കൊച്ചി: കത്തോലിക്ക കോണ്ഗ്രസ് ഗ്ലോബല് സമിതിയുടെ ആഭിമുഖ്യത്തില് ഗ്ലോബല് ബിസിനസ് കോണ്ക്ലേവ് സംഘടിപ്പിച്ചു. എറണാകുളം മണ്സൂണ് എംബ്രസ് ഹോട്ടലില് സംഘടിപ്പിച്ച കോണ്ക്ലേവ് സീറോമലബാര് സഭ മേജര് ആര്ച്ച്ബിഷപ് മാര് റാഫേല് തട്ടില് ഉദ്ഘാടനം ചെയ്തു.
ലോകത്തില് സഭ പ്രസക്തമാകുന്നത് ബിസിനസും രാഷ്ട്രീയവും വിവിധ തൊഴില് മേഖലകള് ഉള്പ്പടെ എല്ലാ രംഗങ്ങളിലും അല്മായ പങ്കാളിത്തം വിശ്വാസാധിഷ്ഠിതമായി ശക്തമാകുമ്പോഴാണെന്ന് മേജര് ആര്ച്ച്ബിഷപ് പറഞ്ഞു. സാങ്കേതിക വികാസത്തിന് അനുരൂപമായി പുതിയ മേഖലകള് കണ്ടെത്താനും പരസ്പരസഹകരണത്തില് ഒന്നായി നിന്നുകൊണ്ട് ഒന്നിച്ചുവളരുവാനുള്ള സാഹചര്യം സൃഷ്ടിക്കാനും നമുക്ക് കഴിയണം. എന്നും ലോകമെമ്പാടും എത്തിച്ചേര്ന്ന് അവിടത്തെ സാഹചര്യങ്ങളോട് ഐക്യപ്പെട്ട് സംരംഭങ്ങളിലേക്കു കടക്കുവാന് കഴിയുന്നത് വളര്ച്ചയെയാണു കാണിക്കുന്നതെന്നും മാര് റാഫേല് തട്ടില് പറഞ്ഞു.
ഗ്ലോബല് പ്രസിഡന്റ് രാജീവ് കൊച്ചുപറമ്പില് അധ്യക്ഷത വഹിച്ചു. ഡോ. ടെസി തോമസ്, എല്. രാധാകൃഷ്ണന്, ഡോ.ജോസ്കുട്ടി ജെ. ഒഴുകയില്, അഡ്വ. ടോണി പുഞ്ചക്കുന്നേല്, വി.വി. അഗസ്റ്റിന്, അഡ്വ. ബിജു പറയന്നിലം, രാജേഷ് ജോണ്, ബെന്നി ആന്റണി, ട്രീസ ലിസ് സെബാസ്റ്റ്യന്, സെബാസ്റ്റ്യന് വര്ഗീസ് തുടങ്ങിയവര് പ്രസംഗിച്ചു.
ഉന്നത വിദ്യാഭ്യാസ മന്ത്രി റോജി എം. ജോണ്, ഡീന് കുര്യാക്കോസ് എംപി, ബിസിനസ് രംഗത്തെ പ്രമുഖരായ ഷാജു തോമസ്, ജോ കുഞ്ചെറിയ, ബിജു ജോസഫ്, ഡോ. അലന് തോമസ്, ജോയ് ആലുക്കാസ്, ഡോ. രഞ്ജിത് തോമസ്, ജിതിന് ജോണ്, പോള് മുണ്ടാടന്, ലിനറ്റ് ജോസഫ് തുടങ്ങിയവര് നേതൃത്വം നല്കിയ പാനല് ചര്ച്ചകള്, സെമിനാറുകള്, പ്രസന്റേഷന്സ്, നെറ്റ്വര്ക്ക് സെഷനുകള്, പ്രമോഷനുകള് എന്നിവ ഇതിന്റെ ഭാഗമായി നടന്നു.
ലോകത്തിന്റെ വിവിധ ഭാഗങ്ങളില്നിന്നുള്ള പ്രതിനിധികള് പങ്കെടുത്തു.
Deepika
E-paper LOGIN
LOGIN
